Chhung Inkhawm neih dan tha

1. Pathian tan chhungkuaa kan inserh thianghlim hun anih avangin pawlawh taka hmang lovin uluk leh urhsun taka hman a tha.
2. Hun ruatsa neih a tha.
3. In zilhna’n hman loh a tha.
4. Chhungte rilru tina thei zawnga tawngkam hmanloh a tha.
5. Vei zawng sawi nana hun hman chiam loh a tha.
6. Midangte tlin tawk ngaihtuaha tawngtai rei lutuk loh a tha.
7. Pathian biakna rilru a lak pen theih avangin Inkhawm hun thlenga TV/Radio/Tape Recorder en emaw, ngaihthlak emaw chin loh a tha.
8. Inkhawm dawn hnaihah inhauh/an vak loh a tha.
9. Telephone/kawngka kik riin min tihbuai theih avangin chutiang laka fihlim tur chuan ruahmanna neih lawk a tha.
10. Bible chhiartur feltaka neih lawk a tha.
11. Tawngtaina thupui/tawngtaipui tur ruahman sa neih a tha.
12. Chhungkaw member tinin hun inhman chhawk thin a tha a, puitlingin hmang mai lovin, naupang te pawh hman tir ve zel a tha.
13. Chhungkaw kima neih a tha bera, mahse kimloh avanga neihloh ai chuan a awm remchang apiangin hman mai a tha.
14. Hlim tak leh rilru inpawh tlang taka hun hman tum hram hram a tha.
15. Chaw ei dawhkanah chawei siam hnua hun hmang mai lovin, a hranpaa hun hman a tha.
16. Zaiho, tawngtai rual, Pathian thu inhrilh leh sawitawmna atana hun hman ve fo thin a tha.