Bible chang :
I Korinth 13:13 Chutichuan, heng pathum, rinna te, beiseina te, hmangaihna te hi a awm reng ang; tin, hengahte hian a ropui ber chu hmangaihna hi a ni.
RINNA :
HEBRAI
11:1 Tin, rinna hi thil beiseite awm ngeia hriatna, thil hmuh lohte hriatfiahna a ni.
He bible changa kan hmuh chu Thil (substance a awm a, chu thil chu kan beisei a, tin, a awm ngei tih kan hre chiang hle bawk a, la hmu miah lo mah ila kan hre chiang em em a ni. Chutia kan thil (substance) kan beiseina leh a awm tih kan hriatna chu rinna chu a ni. (a thila chu ni lovin kan beiseina leh a awm ngei tih kan hriatna, la hmu lo chung pawha kan hriatfiahna tak a chu).
Augustine-a chuan Rinna chu thil hmuh theih loha beiseina nghah ngamna hi a ni a. Chu rinna lawmman chu beiseinaa kan innghahna a taka hmuh tur lo awm hi a ni.
Pathiana rinna nghat mi chuan thil lang lo te a hmu a, thil awih-awm lo tak tak a ring a, thil theih loh tawp anga lang atangin a dawng thin.
Hebrai 11:6 Nimahsela, rinna lovin ama lawmzawng mi nih rual a ni lo...
He rinna hi Pathian lawmzawng mi kan nih theihna a ni a.
Tin, Pathian khawngaihnaa chhandam kan nih theihna hmanraw pawimawh tak a ni. Ephesi 2:8 Rinna avanga khawngaihnaa chhandam in ni) Kan thiam channa atana hmanrua a ni bawk. (Rom 5:1 Chuvangin rinna avanga thiam changa awmin, kan Lalpa Isua Krista avangin Pathian nen inremin i awm ang u..)
Tin, rinna hi engemawti kawng zawng taka sawi dang lam tum an awm thin a. chu lam chu kan chhui tum a ni lem lo naa, rinna hi thil danglam tak leh hmun dang daih a mi a ni lem lo
Hebrai 12:1b ...tin, Isua, kan rinna siamtu leh tifamkimtu lam chu enin, tih kan hmu a, heta a sawi ang tak hian Lal Isua khan rin tur dik tak amah kan rin theihnan amah a rawn inhlan a. Amah Isua rinawmna khan rin tur min rawn siam sak a, kan ring ta a ni.
Patrick Henry chu thih ngamin a na a, a daih rei tawh dawn lo tih a inhriat avangin a fate chu a kiangah a thut khawmtir a; an hnenah chuan, .Khawvela ka rochan zawng zawng hi ka kalsan che u a tul dawn ta a. Thil pakhat in tana hnutchhiah belh tur pawimawh em em mai ka nei a, chu chu Pathian Rinna hi a ni. Chu chu ka hnutchhiah che u chuan thil dang engmah nei lo mah ula in hausa tawk anga; chu rinna tel lo chuan sum leh pai tam tak pawh hnutchhiah che u ila in rethei tho tho dawn a ni,. tiin rinna pawimawhzia a fate hnenah a chah a ni, an ti. Hei hian Rinna pawimawh zia chu a ti chiang mai awm e.
Tin rinna hi tihbo theih, rinnaah hian awm loh theih a ni. II Korinth 13:5 Rinnaah chuan in awm emaw, nangmahni ngei inchhin thin ula; nangmahni ngei in fiah thin rawh u. tih kan hmuh kha.
Tin, kan rinna fiahna chuan chhelna a siam tih hriain, thlemna tinreng kan tawh hunin lawmna tur hlirah ngai turin Jakoba hian min duh hle a ni.
Rinna chu innghah ngamna a ni: West Virginia-a pitar pakhat thlawhtheihna chuang ngai miah lo hi a tupain thlawhtheihnaa chuanpui turin theih tawp chhuahin a sawm a, hlau leh huphurh lawk tak chungin a remti ve ta hram a.
Thlawhtheihnaah chuan a chuang a, rei vak lo an thlawh hnuin a tum leh ta a. Thlawhtheihna atanga an chhuk hnuin a tupa chuan phur takin, "Ka pi, thlawhna chuan chu eng nge ang i tih a?" tiin a zawt a. Ani chuan, "A tha e, thlawhtheihnaah chuan ka chuang ngei a, mahse kan chuan chhung khan ka rihna kha vawikhat mah thlawhnaah ka nghat ngam lo reng reng a ni," tiin a chhang a.
Pathian fate zingah pawh he pitar anga hlau leh rinna tlachham hi kan tam thei viau awm e. Pathian engkim titheia kut chak takah innghat ngam lovin tul hauh lovah kan hah leh teuh thin a nih hi.
Hetah hian duh tawk ila
BEISEINA :
Beiseina chung chang hi Abrahama nunah khan chiang takin kan hmu a. Rom 4:18 Beiseina awm a awm loh pawhin ani chuan beisei takin a ring a, tih kan hmu a. Tar a ni tawh a, a nupui Sari pawh a ching a ni tih a hria, Mahse Pathian a beiseina chu a nghet tlat a, beiseina awm a awm lo cvhung pawhin a beisei tlat a, chi tam takte pa tih a ni ta hial a ni. "Khiti zat khian i thlahte an la awm ang," tia vana arsi te kawka a hrilh anga a lo thlen theihna tur khan a beisei tlat a ni.
Beiseina chung changa mak angreng tak chu a tel lova kan nun theih miah lohna hi a ni. Beiseina tel lo hian mihring hian damchhan a nei tawh lo thin a ni. Doctor tam tak te pawhin an damdawi hman tangkai tak pakhat chu beiseina hi a ni tlat a ni. An dam lo te khan na hle mah se, an dam theihna chance tlemte awm kha an han hrilh a, kha mi hmang khan damlo khan chakna thar, beiseina thar lo nei lehin a lo dam phah leh thei hial a ni, an ti.
Alexander the Great khan tum khat chu ram dang bei tura a chhuah dawnin a thian thate hnenah a thil neih a sem chiam mai a, a neih zawng zawng deuh thaw a sem chhuak a. Pakhat chuan, "Ka pu, heti te chuan chan tur i nei ve tawh nang," a ti a. Alexander-a chuan, "Ka nei alawm, ka beiseina neih hi ka la sem chhuak hlei nem," tiin a chhang hmiah a ni, an ti. Thil dang nei tawh lo mah se, a ram lak tur atanga ral lak sum a la hmuh leh neih tur zawng zawng kha beiseina in a thlir a ni. Hemi atang hian Abrahama beiseina kan sawi tak kha chu a chiang mai awm e. Abrahama pawh khan beiseina tlachham lovin Pathian a ring tlat a. Tichuan chu a rinna chu a felnaah ruat a ni ta a ni.
Rom 5:3,4 Tin, chuti chauh chu ni lovin, kan hrehawmnaah pawh lawmin i awm ang u, hrehawmna chuan chhelna a siam a,chhelna chuan hriatfiahna a siam a, hriatfiahna chuan beiseina a siam tih kan hre si a...
Hetih rual chiah hian a lehlam chiah beidawnna hi in thlir ve lawk teh ang, he thu hi ka sawi ve fo tawh a:
Tum khat chu an tia lawm! Setana hian a thiltih thinte bansan a duh ta tlat mai a, a hmanraw neih ang ang te chu hralh turin mi hip thei ang berin a pho chhuak a - bumna te, huatna te, itsikna te, elrelna te,hurna te leh sual hmanraw tinreng mai chu a man zat tur a tar chhuak nghal vek a. A laiah chuan hmanraw pakhat, thir hem ang deuha lang hi a lo awm a, aman lah chu a’n chhiar sang em em mai lehnghal a. Setana hnenah chuan, “Hei hi eng nge ni? Aman hi a va han to bik em em ve?” tiin an zawt a. Ani chuan, “Beidawnna a nih kha. A man to chhan maw? Thil dang zawng zawng aiin hna a thawk nasa thei zawk daih alawm! Kha mi hman a ngaih chinah kha chuan keimah tak pawh hian a hna thawh dan hi ka hmu chak thin asin. He hmanraw hmang hi chuan tu pawh hi eng mah lohah ka chhuah thei a. Ka taltir mai mai a, chu chuan rilru khauh leh tum mumal tak lo nei ve thin pawh hi eng mah ti peih lo tur khawpa beidawngin a siam mai thin. Anni lah chuan chutianga awm tur chuan ka tibeidawng a ni tih an hre der si lova!” a ti ta zuah zuah e, an ti.
Khawvela beiseina nei tawh lo te chuan thih mai loh chu hmabak an nei tawh lo, Mi beidawngte hi khawvela mi hlauhawm berte an ni an ti thin, a chhan chu mi dangte mai nilo, anmahni intihhlum hial pawh an hreh tawh lo thin a ni.
Rom 8:24 Beiseinain a ni, chhandamin kan awm ni; nimahsela hmuh theih reng beiseina hi beiseina a ni lo ve. Miin a hmuh theih reng chu engati nge a la beisei thin? Kan hmuh loh chu kan beisei erawh chuan kan nghak fan fan thin a ni.
KHAWNGAIHNA :
Ephesi 2:4,5 ah khan, “nimahsela Pathian chuan khawngaihna a ngahin a mi hmangaihna nasa tak avang khan, kan bawhchhiatnate avanga thi kan nih lai meuh pawhin Krista rualin min tinung ve a, (khawngaihnaa chhandam in ni ta e,)
Khawngaihna hi Pathian thilthlawnpek, a phu hauh loten an thin a ni.
Pathian Khawngaihna kan tih rual hian mihring pawhin khawngaihna hi kan neih ve theih niin a lang. Amaherawh chu khawngaihnaah chuan a let leh tur a ngaihtuah ngai lo.
Queen Elizabeth- I kha hmeichhe pakhatin thah a tum a. Lal in chhung lama an thiltih dan hre hauh lovin mipa inthuamin a inthuam a, lalnu hahchawlhna pindan chhunga thawmhnaw khai zingah chuan chemte zum pai chungin a biru kak mai a. Lalnu lo luh hmain vengtu pakhatin pindan a rawn enfel a, a rek chhuak ta nawlh mai a.
Mihring rilru pangngai atang chuan a dinhmun a duhawm lo tih chu a chiang kher mai. Lalnu hmaah an hruai a, chu nu chuan khawngaihna dil bak tih theih a nei lo tih a hre chiang; thingthiin lalnu hnenah chuan hmeichhia a nih avanga lainatna leh khawngaihna lantir turin a ngen a. Queen Elizabeth chuan ngawi rengin a en vang vang a, “I chungah khawngaihna lantir ta ila, i nun zel dan tur atan eng thutiam nge i neih dawn min hrilh rawh,”a ti a.
Hmeichhia chuan lalnu chu a en a, “Tiamkam leh thu delhkilh awma khawngaihna chu khawngaihna a ni thei lo reng reng alawm!" a ti ta tlat mai a. Queen Elizabeth chuan, "I tidik lutuk. Ka khawngaihna avang chauhin ka ngaidam a che,” a ti a. A phu hauh lo chungin a chhuahtir a, mi zalen pangngai angin lal in atang chuan a chhuak leh ta a ni.
Tiamkam leh thu delhkilh awma khawngaihna chu khawngaihna a ni lo a. khawngaihna chuan tiamkam leh thu delhkilh a nei lo a, a khawngaih a tan chuan a tihsak tura chu a tihsak mai thin a ni.
Tin, Khawngaihna pawh hi tih bo theih, tluksan theih, leh khawngaihna thlarau hi tihvui theih a ni tih kan Bibleah kan hmu- Galatia 2:21 Pathian khawngaihna chu ka bawh bo lo ve, Dan avanga felna a awm si chuan Krista chu athlawnin a thi a ni ang.
Gal 5:4 Nangni Dana thiam chan tumte u, Krista nen in inthen ta: khawngaihna chu in tluksan ta.
Hebrai 10:29 Pathian Fapa rap beta, thuthlung thisen amah tihthianghlimna chu thil narana ruat a, khawngaihna Thlarau tivuitu chu, chu mi ai chuan eng tia hremna nasa zawk nge tuar tlaka ruat tur nia inngaih?
12:15 Fimkhur rawh u, Pathian khawngaihna ata in bo dah ang e, khakna zung eng emaw lo chawra tibuai che uin,chu chuan mi tam tak chu tihbawlhhlawhin an awm ang a,
Tin sawtpui lo nia hriat theih, a ni ngei ang, II Kor 6:1 Tin, Pathian khawngaihna chu sawtpui lova in hmuh lohna turin, amah thawhpuiin ka ngen chiam a che u... tih kan hmu a ni
Ti khan Khawngaihna tih pawh kha duh tawk leh mai ila, a zavai hian han sawi zawm dawn ilangin :
Rinna avanga khawngaihnaa chhandamna kan chan chu a famkimna lo lang tur beiseinain kan thlir a ni. Zaninah hian in beisei zawng ang leh in chan angin ka sawi lovin ka ring a, a zira zir hi tha a ka hriat avangin heti zawng hian kan sawi ta a ni.
Vana lawmman kan tana awm chu khawngaihnaa min siam sak a ni a, beiseina nen rinna in i thlir tlat ang u.
Lalpan a thu malsawm rawh se.
I Korinth 13:13 Chutichuan, heng pathum, rinna te, beiseina te, hmangaihna te hi a awm reng ang; tin, hengahte hian a ropui ber chu hmangaihna hi a ni.
RINNA :
HEBRAI
11:1 Tin, rinna hi thil beiseite awm ngeia hriatna, thil hmuh lohte hriatfiahna a ni.
He bible changa kan hmuh chu Thil (substance a awm a, chu thil chu kan beisei a, tin, a awm ngei tih kan hre chiang hle bawk a, la hmu miah lo mah ila kan hre chiang em em a ni. Chutia kan thil (substance) kan beiseina leh a awm tih kan hriatna chu rinna chu a ni. (a thila chu ni lovin kan beiseina leh a awm ngei tih kan hriatna, la hmu lo chung pawha kan hriatfiahna tak a chu).
Augustine-a chuan Rinna chu thil hmuh theih loha beiseina nghah ngamna hi a ni a. Chu rinna lawmman chu beiseinaa kan innghahna a taka hmuh tur lo awm hi a ni.
Pathiana rinna nghat mi chuan thil lang lo te a hmu a, thil awih-awm lo tak tak a ring a, thil theih loh tawp anga lang atangin a dawng thin.
Hebrai 11:6 Nimahsela, rinna lovin ama lawmzawng mi nih rual a ni lo...
He rinna hi Pathian lawmzawng mi kan nih theihna a ni a.
Tin, Pathian khawngaihnaa chhandam kan nih theihna hmanraw pawimawh tak a ni. Ephesi 2:8 Rinna avanga khawngaihnaa chhandam in ni) Kan thiam channa atana hmanrua a ni bawk. (Rom 5:1 Chuvangin rinna avanga thiam changa awmin, kan Lalpa Isua Krista avangin Pathian nen inremin i awm ang u..)
Tin, rinna hi engemawti kawng zawng taka sawi dang lam tum an awm thin a. chu lam chu kan chhui tum a ni lem lo naa, rinna hi thil danglam tak leh hmun dang daih a mi a ni lem lo
Hebrai 12:1b ...tin, Isua, kan rinna siamtu leh tifamkimtu lam chu enin, tih kan hmu a, heta a sawi ang tak hian Lal Isua khan rin tur dik tak amah kan rin theihnan amah a rawn inhlan a. Amah Isua rinawmna khan rin tur min rawn siam sak a, kan ring ta a ni.
Patrick Henry chu thih ngamin a na a, a daih rei tawh dawn lo tih a inhriat avangin a fate chu a kiangah a thut khawmtir a; an hnenah chuan, .Khawvela ka rochan zawng zawng hi ka kalsan che u a tul dawn ta a. Thil pakhat in tana hnutchhiah belh tur pawimawh em em mai ka nei a, chu chu Pathian Rinna hi a ni. Chu chu ka hnutchhiah che u chuan thil dang engmah nei lo mah ula in hausa tawk anga; chu rinna tel lo chuan sum leh pai tam tak pawh hnutchhiah che u ila in rethei tho tho dawn a ni,. tiin rinna pawimawhzia a fate hnenah a chah a ni, an ti. Hei hian Rinna pawimawh zia chu a ti chiang mai awm e.
Tin rinna hi tihbo theih, rinnaah hian awm loh theih a ni. II Korinth 13:5 Rinnaah chuan in awm emaw, nangmahni ngei inchhin thin ula; nangmahni ngei in fiah thin rawh u. tih kan hmuh kha.
Tin, kan rinna fiahna chuan chhelna a siam tih hriain, thlemna tinreng kan tawh hunin lawmna tur hlirah ngai turin Jakoba hian min duh hle a ni.
Rinna chu innghah ngamna a ni: West Virginia-a pitar pakhat thlawhtheihna chuang ngai miah lo hi a tupain thlawhtheihnaa chuanpui turin theih tawp chhuahin a sawm a, hlau leh huphurh lawk tak chungin a remti ve ta hram a.
Thlawhtheihnaah chuan a chuang a, rei vak lo an thlawh hnuin a tum leh ta a. Thlawhtheihna atanga an chhuk hnuin a tupa chuan phur takin, "Ka pi, thlawhna chuan chu eng nge ang i tih a?" tiin a zawt a. Ani chuan, "A tha e, thlawhtheihnaah chuan ka chuang ngei a, mahse kan chuan chhung khan ka rihna kha vawikhat mah thlawhnaah ka nghat ngam lo reng reng a ni," tiin a chhang a.
Pathian fate zingah pawh he pitar anga hlau leh rinna tlachham hi kan tam thei viau awm e. Pathian engkim titheia kut chak takah innghat ngam lovin tul hauh lovah kan hah leh teuh thin a nih hi.
Hetah hian duh tawk ila
BEISEINA :
Beiseina chung chang hi Abrahama nunah khan chiang takin kan hmu a. Rom 4:18 Beiseina awm a awm loh pawhin ani chuan beisei takin a ring a, tih kan hmu a. Tar a ni tawh a, a nupui Sari pawh a ching a ni tih a hria, Mahse Pathian a beiseina chu a nghet tlat a, beiseina awm a awm lo cvhung pawhin a beisei tlat a, chi tam takte pa tih a ni ta hial a ni. "Khiti zat khian i thlahte an la awm ang," tia vana arsi te kawka a hrilh anga a lo thlen theihna tur khan a beisei tlat a ni.
Beiseina chung changa mak angreng tak chu a tel lova kan nun theih miah lohna hi a ni. Beiseina tel lo hian mihring hian damchhan a nei tawh lo thin a ni. Doctor tam tak te pawhin an damdawi hman tangkai tak pakhat chu beiseina hi a ni tlat a ni. An dam lo te khan na hle mah se, an dam theihna chance tlemte awm kha an han hrilh a, kha mi hmang khan damlo khan chakna thar, beiseina thar lo nei lehin a lo dam phah leh thei hial a ni, an ti.
Alexander the Great khan tum khat chu ram dang bei tura a chhuah dawnin a thian thate hnenah a thil neih a sem chiam mai a, a neih zawng zawng deuh thaw a sem chhuak a. Pakhat chuan, "Ka pu, heti te chuan chan tur i nei ve tawh nang," a ti a. Alexander-a chuan, "Ka nei alawm, ka beiseina neih hi ka la sem chhuak hlei nem," tiin a chhang hmiah a ni, an ti. Thil dang nei tawh lo mah se, a ram lak tur atanga ral lak sum a la hmuh leh neih tur zawng zawng kha beiseina in a thlir a ni. Hemi atang hian Abrahama beiseina kan sawi tak kha chu a chiang mai awm e. Abrahama pawh khan beiseina tlachham lovin Pathian a ring tlat a. Tichuan chu a rinna chu a felnaah ruat a ni ta a ni.
Rom 5:3,4 Tin, chuti chauh chu ni lovin, kan hrehawmnaah pawh lawmin i awm ang u, hrehawmna chuan chhelna a siam a,chhelna chuan hriatfiahna a siam a, hriatfiahna chuan beiseina a siam tih kan hre si a...
Hetih rual chiah hian a lehlam chiah beidawnna hi in thlir ve lawk teh ang, he thu hi ka sawi ve fo tawh a:
Tum khat chu an tia lawm! Setana hian a thiltih thinte bansan a duh ta tlat mai a, a hmanraw neih ang ang te chu hralh turin mi hip thei ang berin a pho chhuak a - bumna te, huatna te, itsikna te, elrelna te,hurna te leh sual hmanraw tinreng mai chu a man zat tur a tar chhuak nghal vek a. A laiah chuan hmanraw pakhat, thir hem ang deuha lang hi a lo awm a, aman lah chu a’n chhiar sang em em mai lehnghal a. Setana hnenah chuan, “Hei hi eng nge ni? Aman hi a va han to bik em em ve?” tiin an zawt a. Ani chuan, “Beidawnna a nih kha. A man to chhan maw? Thil dang zawng zawng aiin hna a thawk nasa thei zawk daih alawm! Kha mi hman a ngaih chinah kha chuan keimah tak pawh hian a hna thawh dan hi ka hmu chak thin asin. He hmanraw hmang hi chuan tu pawh hi eng mah lohah ka chhuah thei a. Ka taltir mai mai a, chu chuan rilru khauh leh tum mumal tak lo nei ve thin pawh hi eng mah ti peih lo tur khawpa beidawngin a siam mai thin. Anni lah chuan chutianga awm tur chuan ka tibeidawng a ni tih an hre der si lova!” a ti ta zuah zuah e, an ti.
Khawvela beiseina nei tawh lo te chuan thih mai loh chu hmabak an nei tawh lo, Mi beidawngte hi khawvela mi hlauhawm berte an ni an ti thin, a chhan chu mi dangte mai nilo, anmahni intihhlum hial pawh an hreh tawh lo thin a ni.
Rom 8:24 Beiseinain a ni, chhandamin kan awm ni; nimahsela hmuh theih reng beiseina hi beiseina a ni lo ve. Miin a hmuh theih reng chu engati nge a la beisei thin? Kan hmuh loh chu kan beisei erawh chuan kan nghak fan fan thin a ni.
KHAWNGAIHNA :
Ephesi 2:4,5 ah khan, “nimahsela Pathian chuan khawngaihna a ngahin a mi hmangaihna nasa tak avang khan, kan bawhchhiatnate avanga thi kan nih lai meuh pawhin Krista rualin min tinung ve a, (khawngaihnaa chhandam in ni ta e,)
Khawngaihna hi Pathian thilthlawnpek, a phu hauh loten an thin a ni.
Pathian Khawngaihna kan tih rual hian mihring pawhin khawngaihna hi kan neih ve theih niin a lang. Amaherawh chu khawngaihnaah chuan a let leh tur a ngaihtuah ngai lo.
Queen Elizabeth- I kha hmeichhe pakhatin thah a tum a. Lal in chhung lama an thiltih dan hre hauh lovin mipa inthuamin a inthuam a, lalnu hahchawlhna pindan chhunga thawmhnaw khai zingah chuan chemte zum pai chungin a biru kak mai a. Lalnu lo luh hmain vengtu pakhatin pindan a rawn enfel a, a rek chhuak ta nawlh mai a.
Mihring rilru pangngai atang chuan a dinhmun a duhawm lo tih chu a chiang kher mai. Lalnu hmaah an hruai a, chu nu chuan khawngaihna dil bak tih theih a nei lo tih a hre chiang; thingthiin lalnu hnenah chuan hmeichhia a nih avanga lainatna leh khawngaihna lantir turin a ngen a. Queen Elizabeth chuan ngawi rengin a en vang vang a, “I chungah khawngaihna lantir ta ila, i nun zel dan tur atan eng thutiam nge i neih dawn min hrilh rawh,”a ti a.
Hmeichhia chuan lalnu chu a en a, “Tiamkam leh thu delhkilh awma khawngaihna chu khawngaihna a ni thei lo reng reng alawm!" a ti ta tlat mai a. Queen Elizabeth chuan, "I tidik lutuk. Ka khawngaihna avang chauhin ka ngaidam a che,” a ti a. A phu hauh lo chungin a chhuahtir a, mi zalen pangngai angin lal in atang chuan a chhuak leh ta a ni.
Tiamkam leh thu delhkilh awma khawngaihna chu khawngaihna a ni lo a. khawngaihna chuan tiamkam leh thu delhkilh a nei lo a, a khawngaih a tan chuan a tihsak tura chu a tihsak mai thin a ni.
Tin, Khawngaihna pawh hi tih bo theih, tluksan theih, leh khawngaihna thlarau hi tihvui theih a ni tih kan Bibleah kan hmu- Galatia 2:21 Pathian khawngaihna chu ka bawh bo lo ve, Dan avanga felna a awm si chuan Krista chu athlawnin a thi a ni ang.
Gal 5:4 Nangni Dana thiam chan tumte u, Krista nen in inthen ta: khawngaihna chu in tluksan ta.
Hebrai 10:29 Pathian Fapa rap beta, thuthlung thisen amah tihthianghlimna chu thil narana ruat a, khawngaihna Thlarau tivuitu chu, chu mi ai chuan eng tia hremna nasa zawk nge tuar tlaka ruat tur nia inngaih?
12:15 Fimkhur rawh u, Pathian khawngaihna ata in bo dah ang e, khakna zung eng emaw lo chawra tibuai che uin,chu chuan mi tam tak chu tihbawlhhlawhin an awm ang a,
Tin sawtpui lo nia hriat theih, a ni ngei ang, II Kor 6:1 Tin, Pathian khawngaihna chu sawtpui lova in hmuh lohna turin, amah thawhpuiin ka ngen chiam a che u... tih kan hmu a ni
Ti khan Khawngaihna tih pawh kha duh tawk leh mai ila, a zavai hian han sawi zawm dawn ilangin :
Rinna avanga khawngaihnaa chhandamna kan chan chu a famkimna lo lang tur beiseinain kan thlir a ni. Zaninah hian in beisei zawng ang leh in chan angin ka sawi lovin ka ring a, a zira zir hi tha a ka hriat avangin heti zawng hian kan sawi ta a ni.
Vana lawmman kan tana awm chu khawngaihnaa min siam sak a ni a, beiseina nen rinna in i thlir tlat ang u.
Lalpan a thu malsawm rawh se.
No comments :
Post a Comment