Five-a-side Football hi hmelhriat ve rawh le.

Contact game, Five-a-side football hi association football hranpa ngat a ni ve a, a hming ang tak hian lehlam lehlamah panga ve vea inkhelh thin a ni (pali in an khel chhuak a, pakhatin Goal a veng thung).  Football pangngai a anlohna dang leh chu khelmual a te zawk a, Goal a te zawk bawk a, inkhelh hun chhung pawh a tawi bik.  A tlangpuiin indoorah khelh a ni tlangpui a, outdoor-ah pawh Astro Turf leh artificial grass ah te khelh a ni ve bawk thin.. Inkhelhna mual chu bawll chhuah theihlohna turin thirlena hungchhuah vek a ni thin bawk.

Rules :  

• Penalty area hi football pangngai nen chuan danglam tak a niin, semi circle a ni bik a,  hemi rin chhungah hi chuan Goalkeeper chauhin ball a khawih thei a, tin rinpawn lamah erawh chuan keeper hian ball a khawih thiang lo thung.
• Goal keeper hian kut chauhin playerte ball a pe chhuak thiang a, a ke a hman theihna awmchhun chu goal tur a dan (save) chauhin a ni.
• Offside rules a awm ve lo.
• Ball head phal a ni lo
• Player-in Yellow Card a hmuh chuan hun engemaw ti chhung sin-bin (an awmna tur hmun bik siam) ah awm tir a ni thin a.  Red Card a hmuh erawh chuan Foot ball pangngai ang thoin hnawhchhuah a ni thung.
• Charging leh sliding tackles te chu Yellow card an pek thinna a ni.

Heng bakah hian ball boot hling nei ang chi reng reng bun phal a ni lo a. hei hi a chhan ber nia lang chu khelmual chhuat vel an tihchhiat loh nan a ni ber.   Shin guard hman chungchangah chuan referee thuthluknaah a innghat thung. 

A tlangpuiin Futsal rules ang chuan player 5 bakah hian substitute 9 an awm a, inkhelh hun chhung hian duh zat zat inthlak theih a ni.

Five-a-side hi khelh fo ni mahse rules hi inkhelh dawna siamchawp chauh te pawh a awm thin a, chuvang chuan tuna kan tarlan chin bak hi rules mumal a nei lutuk loin, siamrem theih zel a ni.  FIFA in Futsal game (Indoor-a khelh bik football) rules a siam atanga rule hi siam rem thin a ni.

Pitch :

• Khelmual standard size hi 40 m × 20 m (44 yd × 22 yd) a ni a. 
• Khelmual dung lam sei zawng hi 38–42 m (42–46 yd) a ni thei a, tin, a vanglam thung chu 20–25 m (22–27 yd) -ah khung leh a ni tlangpui. Inkhelhna hmun thenkhatah chuan, a dung 25–42 m (27–46 yd), leh a vang 16–25 m (17–27 yd) te pawh hman a ni  tho bawk. a khelmual hi square lova rectangular (a tawi lamah goal ban a din hrim hrim chuan) a nih chuan eng size pawh hman theih deuh thaw a ni.. a player ten nuamsa pangngaia an khelh theihna a nih chuan.
• Goal zau zawng hi ban leh ban inkarah 3 m (3.3 yd) a ni a, a san zawng chu 2 m (2.2 yd) lei atanga tehin a ni tur a ni. 

Hetiang football mi tlem zawkin an khelh theih, hmun mamawh zim bawk si hi Mizoramah hian khelh ve theih a ni ang em? kan tlin tawk ve phian lo maw.. Hetiang Association te hi ding ta se a tha ve phian ang em? Football kan lawm ta sa sa, faatball pangngai tin hmasawn nan leh tih lar nan hrim hrim pawh a tha phian mai lawng maw?